сувилагч.3dn.ru

ХҮНИЙ БИЕИЙН ТАЛААРХ СОНИРХОЛТОЙ БАРИМТУУД

admin — Wed, 08 May 2013 12:36:26 GMT

1.Ходоодны хүчил цайрыг хайлуулахаар хүчтэй байдаг. Азаар ходоодны эсүүд түргэн нөхөн сэргэдэг учир тэдгээрийг хүчил хайлуулж амждаггүй байна.

2.Уушгинд 300 мянга гаруй хялгасан судас байдаг. Тэдгээрийг хооронд нь холбовол 2400 километр урт болно.

3.Төмсөг 10 сая эр бэлгийн эс боловсруулдаг. Энэ нь зургаан сарын дотор дэлхий дүүрэн хүн амтай болоход хангалттай аж.

4.Хүний яс боржин чулуу шиг хатуу. Шүдэнзний хайрцагны чинээ хэмжээтэй яс есөн тонн ачаа дааж чадах бөгөөд энэ нь бетоны даах чадвараас дөрөв дахин үзүүлэлт юм.

5.Хүний гар болон хөлийн хурууны хумс бүр зургаан сарын дотор угаасаа үзүүр хүртлээ ургадаг.

6.Хүний биеийн хамгийн том эрхтэн бол арьс. Насанд хүрсэн хүний арьс 1,9 хавтгай дөрвөлжин метр газрыг бүрхэнэ. Арьс байнга шинэчлэгддэг. Хүний амьдралын турш 18 килограмм арьс гуужиж унадаг.

7.Хүн унтаж байхдаа найман миллиметр өсдөг. Дараагийн өдөр нь дахиад "ахичдаг”. Учир нь нурууны мөгөөрс хоорондын зай суух эсвэл зогсож байхад шахагддаг.

8.Өрнөдөд хүн дунджаар амьдралынхаа турш 50 тонн хоол, хүнс идэж, 50 мянган литр шингэн уудаг.

9.Хүн болгоны бөөр нэг сая ширхэг шүүлтүүртэй. Тэдгээр нь нэг минутад дунджаар 1,3 литр цус нэвтрүүлж, өдөрт 1,4 литр шээс ялгаруулдаг.

10.Нүдний фокусын булчингууд өдөрт 100 мянган хөдөлгөөн хийдэг. Хэрвээ хөлийн булчинд тийм ачаалал үүрүүлнэ гэвэл өдөр бүр 80 километр зам туулах хэрэгтэй болно.

11.Хүний бие 30 минутад 1,5-2 литр ус буцалгаж болохоор дулаан ялгаруулдаг.

12.Хүний цусны нэг эс биеийг бүтэн тойроход ердөө 60 секунд шаардлагатай.

13.Хүүхдээс авсан, шуудангийн марктай дайтай арьс 21 хоногт нөхөгдөх ба тийм арьсаар сагсан бөмбөгийн гурван талбайг бүрэн бүрхэх боломжтой. Мэдээж энэ бүхэн шинжлэх ухааны ач тус. Өнөөдөр лабораторид ургуулсан арьсыг түлэгдэлтийг эмчлэхэд ашиглаж байна. 14.Нүд гаднаас авч буй мэдээллийн 90 хувийг хүлээж авдаг нь биднийг хараанаас хараат болохыг илтгэдэг.

15.Эмэгтэй хүний өндгөвч хагас сая өндгөн эсийг агуулдаг ч тэдгээрийн ердөө 400 нь шинэ амьдрал бэлэглэх чадвартай.

Охидын эрүүл ахуй

admin — Wed, 08 May 2013 10:44:58 GMT

Бэлэг эрхтэний эрүүл мэндээ хамгаалах хамгийн энгийн үр дүнтэй арга бол цэвэрч байдал. Бэлгийн уруулын завсараар өнгөр гэж нэрлэгддэг шингэн зүйл хуримтлагддаг. Өнгөр ерөнхийдөө цагаан өнгөтөй хурц үнэртэй бөгөөд үхсэн эд эс, нянгийн нийлэмж юм.Та усанд эсвэл шүршүүрт орж байхдаа шингэн савангаар гадаад бэлэг эрхтэнээ угаах хэрэгтэй. Intimate washes гэсэн нэртэй зориулалтын шингэн саванг та хэрэглэж болно. Бургуйдаж угаах нь тийм сайн арга биш.

Бургуйдах үед эд эс гэмтэж гадна байсан нян биеийн дотор хүчээр шахагдан орно. Бургуйдаж угаах нь ямар нэгэн ач холбогдолтой гэж хараахан батлагдаагүй байгаа. Хэрвээ бэлгийн уруулаас гарах үнэр таалагдахгүй байгаа бол энэ нь тодорхой хэмжээгээр эмэгтэйчүүд та бүхэнд байх ёстой гэдгийг санаарай.

Бэлгийн бойжилтын үед гадна харагдах байдлаас эхлээд биеийн бүхий л хэсэгт өөрчлөлт гардгийг ихэнх охид мэддэг. Харин бэлэг эрхтэнд гарах өөрчлөлтөд охид ихээхэн санаа зовох нь бий. Нас бие гүйцсэн эмэгтэй хүн болоход бэлтгэгдэж буй энэхүү хэвийн үзэгдлийн талаар охид зөв мэдлэгтэй байх нь чухал.

Охин минь чамаас тааламжгүй үнэртээд байвал...
Олон охид сарын тэмдэг ирсэн үед нь бэлэг эрхтнээс эвгүй үнэр гарч, эргэн тойрны хүмүүст үнэртдэг хэмээн ихээхэн санаа зовох тул үүнийгээ дарах гэж бэлэг эрхтэн угаагч зориулалтын шингэн, алчуур, бусад бүтээгдэхүүнийг хэрэглэдэг. Охидууд минь эдгээр бүтээгдэхүүнүүд бэлэг эрхтний эвгүй үнэрийг дарахын зэрэгцээ цэвэр байдлыг мэдрүүлж, бэлэг эрхтний эрүүл байдлыг хадгалахад тусалдаг гэж боддог. Үнэн хэрэгтээ хэвийн үед охидын үтрээнээс бусдад эвгүй үнэртэхүйц үнэр гардаггүй бөгөөд сарын тэмдэг ирж буй үед тампон, ариун цэврийн хэрэглэлээ ойр ойрхон сольж, өдөр бүр шүршүүрт орон, дотуур хувцсаа сольсноор ямар нэг үнэр мэдрэхгүй байх бүрэн боломжтой. Зөвхөн бэлгийн замын халдварт өвчний үед л тааламжгүй эвгүй үнэр гардаг. Энэ тохиолдолд эмэгтэйчүүдийн эмчид хандах хэрэгтэй..

Угаагч шингэн, алчуур, шүршигч шингэн хэрэглэх нь зөв үү?
Эдгээр бүтээгдэхүүнүүд эмэгтэй хүний бэлэг эрхтэн, тэр орчмын талбайг цэвэр байлгаж, аливаа үнэр гарахаас сэргийлэхэд дэм болдог ч хор болох тохиолдол цөөнгүй.
Угаагч шингэн нь гадна бэлэг эрхтнийг угаахад зориулагдан янз бүрийн жимсний найрлагатайгаар савлагдсан химийн бодисууд байдаг. Эмч зөвлөхөөс нааш үүнийг бүү хэрэглээрэй. Учир нь энэ нь харшил өгч, бэлэг эрхтэнг цочроох, улайлгах, цаашлаад үтрээнд халдвар оруулах эрсдлийг дагуулдаг байна. Шүршигч шингэн дезодорант нь бас л сайхан санаа биш. Хурц үнэртэйгээс гадна угаагч шингэний адил харшил өгөх, улайлгах, халдвар оруулах эрсдэл үүсгэдэг.
Гол нь охид үтрээний байгалиас заяасан онцлогийг мэдэж элдэв нэмэлт зүйл хэрэглэхгүй байх нь чухал. Үтрээнд өвчин үүсгэдэггүй хэвийн бичил биетнүүд байх бөгөөд тэдгээрийн тусламжтайгаар өөрөө өөрийгөө цэвэрлэж өвчин үүсгэгч бусад нян бактериудыг гадагшлуулж байдаг. Иймд нэмэлт химийн бодис хэрэглэн үтрээг цэвэрлэх шаардлага байдаггүй. Нэмэлтээр хэрэглэсэн химийн бодис нь үтрээний хэвийн бичил биетнүүдийг устгах тул үтрээний өөрөө өөрийгөө цэвэрлэдэг байдлыг алдагдуулдаг. Иймээс үтрээгээ цэвэр байлгаж, ариун сайхан байдлыг мэдрэхийг хүсвэл гадна бэлэг эрхтнээ бүлээн усаар (хааяадаа зөөлөн саван хэрэглэж болно) өдөр бүр угааж, шүршүүрт орох хэрэгтэй. Түүнчлэн биений юм ирсэн үед тампон хэрэглэн халуун бананд суух нь сарын тэмдгийн үеийн ууц нурууны чангарал, хөшингийг бууруулж, цэвэр байдлыг мэдэрч санаа зовох зүйлгүй сэтгэл амар байхад тусална.

Эдгээрээс гадна...
Хөвөн даавуун дотуур хувцас өмсөх. Ялангуяа халууны улиралд даавуун дотуур хувцас нэн тохиромжтой. Учир нь хөвөн болон байгалийн ширхэгт утас нь агаар сайн нэвтрүүлдэг тул илүү цэвэр, тааламжтай мэдрэмж төрүүлдэг.

Мөн сарын тэмдгийн үед энгийн ариун цэврийн хэрэглэл, тампоны алийг ньсонгох вэ гэдэгт эргэлздэг.
Тампоныг хийсний дараа үтрээнд зохицож, гадагш цус гаргадаггүйгээрээ давуу талтай. Гэхдээ цус ихээр гарах үед тампон цусыг барьж дийлдэггүй тул энгийн ариун цэврийн хэрэглэл нэмж хэрэглэх буюу тампоноос бүрэн татгалзах хэрэг гардаг.
Харин биед эвгүй, тааламжгүй байдгийн хувьд тампоныг буруу оруулсантай болон өөрийн бие махбодын онцлогоо мэдээгүйтэй холбоотой. Хэрвээ таны дотор ямар нэгэн гадны биет байгаа мэт мэдрэмж төрж байвал та үүнийг буруу оруулсан гэсэн үг.
Тампоныг өөрийн гол хэрэглээгээ болгож сонгохын өмнө эмэгтэйчүүдийн эмчид үзүүлэх хэрэгтэй. Учир нь энэхүү ариун цэврийн хэрэглэл хүн болгонд таардаггүй, зөвхөн бэлгийн замын ямар нэгэн өвчингүй, эрүүл эмэгтэйд тохирдог байна. Тампон янз бүрийн нян үржих таатай орчинг бүрдүүлдэг. Тиймээс тампоныг хэрэглэхийн өмнө гараа заавал угааж, халдвар оруулахаас сэргийлэх хэрэгтэй. Мэдээж тампоныг 3-4 цаг тутамд солихоо мартаж болохгүй.
Ариун цэврийн хэрэглэл нь тампоныг бодвол хэд хэдэн сул талтай. Энэ нь гаднаас мэдэгддэг, урсах, хөдлөх магадлалтай, эвгүй үнэр гаргадаг зэрэг дутагдлууд юм. Гэхдээ энэ нь гадна байрлаж, өвчин үүсгэгч нян үржүүлдэггүй тул ямар ч эмэгтэй хэрэглэхэд тохиромжтой. Үүний зэрэгцээ орчин үеийн үйлдвэрлэгчид янз бүрийн хэлбэртэй, олон төрлийн ариун цэврийн хэрэглэл гаргаж байгаа тул эмэгтэй хүн бүр өөрт тохирохыг сонгож болно.

Эмэгтэй хүний сайхан харагдах 9 зарчим

admin — Wed, 08 May 2013 10:42:42 GMT

Энэ хорвоо дээр эмэгтэй хүн болж төрнө гэдэг үнэхээр сайхан хувь тохиол. Гэвч та гайхалтай эмэгтэй байхыг хичээгээрэй. Үүний тулд өөрт байгаа сайхан чанаруудаа нээн гаргаж, буруу зуршлаасаа салаарай. Та чадна шүү дээ. Үүний тулд багахан зүтгэл л шаардана. Ингээд танд гайхалтай сайхан харагдах 9 зарчмыг хүргэе.

1.   Үргэлж инээмсэглэж бай. Гэхдээ энэ ярзайтал инээгээд бай гэсэн үг биш.

2.   Үргэлж мэргэжлээрээ , хийж чаддаг зүйлээрээ бахархаж бай. Бахархаж чадсан хүнээс л амжилт гардаг юм.
3.   Архи тамхи бүү хэрэглэ. Та үнэхээр хэрэглэдэг бол өөрийнхөө зогсох газрыг мэдэж бай. Ялангуяа олны өмнө бүү хэрэглэ.
4.   Үргэлж цэвэрч бай. Таны биеэнд нэг ч үс наалдсан байх учиргүй ба уруулын будаг, үнэртэй ус гээд бүх зүйл төгс байх ёстой.
5.   Өөртөө итгэлтэй бай. Ингэж чадвал та хэнээр ч хүндлүүлэх болно.
6.   Өөрийгөө бусдаас дээгүүр тавь. Гэхдээ энэ хязгаартай дотроо бодож явахад хангалттай.
7.   Хэн нэгэнтэй бүү маргалд. Таны уур маш их хүрч байсан ч гэсэн бүү марга. Хэзээ ч сайн зүйл болдоггүй юм.
8.   Хэнийг ч ялгалгүй адил тэгш харьц. Хүн л бол хүн гэсэн зарчитай бай. Дараа нь та хүнд хэнтэй ч харьцахад дөхөм байх болно.
9. Хэцүү зүйл тохиолдсон ч түүнийг амархан болгож өөрчлөх сэтгэлийн тэнхээтэй бай.Учир нь хүн өөрөө л хичээвэл хэцүү зүйл гэж байдаггүй юм.

Ийнхүү 9-н алтан дүрмийг дагаж чадах аваас та хаана ч хэний ч өмнө хүндтэй гайхалтай эмэгтэй гэгдэх болно.

Японд эмэгтэйчүүдийг хөөрхөн харагдуулдаг нүдний шил бүтээжээ

admin — Wed, 08 May 2013 10:29:56 GMT

Японы Тоямскийн анагаах ухааны их сургуулийн эрдэмтдийн ээлжит нэгэн бүтээл олныг дахин алмайруулав. Тэд зөвхөн эрчүүдэд зориулсан "ид шидтэй” нэгэн нүдний шил зохион бүтээжээ. Тодруулбал энэ шилийг зүүсэн эрчүүдийн нүдэнд эмэгтэй хүн бүр хөөрхөн, царайлаг харагдах гэнэ.

Энэхүү "онцгой” шилний нууц нь нүдний шилэн дээрх эмэгтэй хүний гадаад төрхийг өөрчилж харагдуулах чадвартай бичил чипэнд байгаа аж.

Энэхүү маш жижиг төхөөрөмж нь хүний биеийн дулаанаар ажилладаг график программ бүхий компьютертэй юм байна. Тиймээс эрэгтэй хүн энэ шилийг зүүгээд хэдэн секунд болоход л гоо сайхныг цогцлоон харуулах механизм ажиллаж эхэлдэг байна.
Эхлээд уг нүдний шилний электрон конструкци нь нүдний хараанд өртсөн эмэгтэй хүнийг "тооцоолж” эхэлдэг байна. Хар үгээр хэлбэл бүх хэрэггүй зүйлсийг нь авч хаяад эр хүний хамгийн дур булаам, секси харагдах хэсгүүдийг нэмж өгдөг юм байна. Ийм маягаар тухайн эмэгтэйн гадаад төрх өөрчлөгдөж, нүдэн дээр тэр чигээрээ бүрмөсөн хувирах гэнэ. Энэхүү төхөөрөмжинд 50 мянга гаруй тохирох дүрс бүхий хүний биений хэсгүүд суусан гэнэ.
Түүгээр ч барахгүй нэг минутын дотор гурав хүртэлх сая "гоо сайхны хагалгааг” бүсгүйн гадаад төрхөнд хийх чадвартай гэнэ. Нүдний шилийг зохион бүтээгчид удаан жил хамт амьдарсан гэр бүлийн хосуудад бие биенээ цоо шинээр харж, дахин дурлахад ер бусын бүтээл нь туслана хэмээн найдаж байгаа ажээ.