Эва
Арнольд 1912 онд АНУ-д төрж, 1940-өөд оноос гэрэл зурагчны гараагаа
эхэлсэн юм. Picture Post, Time, Life зэрэг хэвлэлүүдтэй хамтран ажиллаж,
алдарт Картье-Брессоны үүсгэн байгуулсан Magnum фото агентлагийн анхны
эмэгтэй гишүүн болж тус агентлагийг олон улсад таниулсан. "Агуу Эва”
гэж алдаршсан хатагтай Мерилин Монро, Кубын загасчид, Хятадын
үйлдвэрүүдэд хүнд нөхцөлд ажилаллаж буй эмэгтэйчүүд, Дубайн татвар
эмсийн бодит амьдрал, Афганы нүүдэлчид зэрэг бүтээлүүд нь түүнийг олон
шагналын эзэн болгосон юм.
1980 онд манай улсад ирж Монголын уудам тал нутгийг мориор тойрон аялж, хожим "Монголд” хэмээх гэрэл зургийн сурвалжлагаа Лос-Анжелес хотод дэлгэж байжээ. Тэрээр 2003 онд гэрэл зургийн хөгжилд оруулсан хувь нэмрийнхээ төлөө Британий Эзэнт гүрний Одон, 2010 онд Sony World Photography Awards наадмын Хүндэт шагналыг хүртэж байсан билээ.
Дэлхийн анхны фото сэтгүүлч эмэгтэй Эва Арнольд 99 насандаа Лондон хотын төв асрамжийн газарт таалал төгссөн юм.